2023年3月26日星期日

尋回八九十年代的回憶 - 回憶客棧

 

是日朋友從遠方回來, 上一邊食一邊傾偈, 咁我就話不如去我家附近的串燒 , 一邊飲下嘢入邊食下串燒個下口癮.

 




 

身為深水埗的街坊, 這個位置很方便的不過一般人就少啲行呢頭

 




這裏有一個大大的吧檯, 等大家一邊飲啤酒或其他酒類, 一邊同朋友談天說地, 當然如果你唔飲酒都得, 就好似我朋友的酒不沾, 所以就飲非酒精飲品 😛

 



見到門口出面推介花甲, 咁我哋就叫咗個招牌花甲粉. 其中可配搭不同的食材, 份量及味道, 由客人自選. 我哋就叫咗一個小辣嘅花甲粉, 加啲生菜同墨魚丸, 另外也可以選擇你要走芫茜蔥, 定或是要大量的芫茜和蔥也可以

 



上桌時新鮮滾熱辣, 所以食嘅時候都要小心燙口, 而且我哋叫了個正常份量的花甲粉, 都有大約七至八隻肥美的花甲, 非常新鮮冇沙; 加上粉絲及其他自選配料, 可以當湯粉來吃, 非常惹味飽肚!

 



當然同朋友Chit-Chat 就要叫的串燒小吃嚟慢慢食啦, 叫了這個雞泡魚乾, 眼看以為非常乾, 但食落原來冇想像中那麼乾身, 依然帶點雞泡魚乾的煙韌及厚實的質感, 非常惹味, 送酒一流!

 





另外就叫了不同的串燒, 例如安格斯牛肉粒, 雞中翼, 豬頸肉, 同埋雞軟骨, 其實串燒最緊要食材新鮮, 所以只需加點調味料如孜然粉及鹽調味, 已經非常野味, 我就最喜歡食安格斯牛肉粒, 剛剛燒熟的外層非常香口, 但裏面的肉汁被鎖在中間, 所以一咬肉汁就喺口腔度 出嚟, 非常好味~

 

一邊食一邊和朋友談天說地, 就已經不經不覺Chill 一個晚上啦~

 

 

 

地址: 深水埗青山道9-15號富臨門大廈地舖

 

免責聲明是次產品/產品資料由品牌提供本文章內容屬個人意見及感受,並不代表該品牌之言論及立場,如需協助或希望獲得更多有關產品資訊請直接聯絡該品牌查

歡迎邀約試用&出席活動bigratlabireneleung@yahoo.com.hk

Facebook Fan’s Page: http://www.facebook.com/ireneleungalcien

Instagram: http://instagram.com/bigratlab

Youtube: http://www.youtube.com/user/bigratlab

沒有留言:

發佈留言