2014年9月2日星期二

榴槤之皇 - 貓山王, 去食緊係去馬來西亞食la

因為大白鼠這一年都要常去馬來西亞公幹, 雖然由早 (通常講緊零晨4,5 點要起身出發揸幾個小時車去到目的地 Zzzzzzz) 做到晚 (又揸幾小時車回酒店 orz......), 但大白鼠我係一個work hard eat & play hard 既人, 咁就當然要去食地道的野食la :D




大家一講馬來西亞, 我相信第一時間諗到的係榴槤, 仲要係 King of the Durian 榴槤王中之王, 貓山王, Musang King 是也....

雖然我唔咪真係好''好'' 佢, 但來到咁緊係要試下la :D 同事雖然就無時間帶我去D好地道的市場買來食, 但佢都叫我去我酒店下面的Aeon Supermarket 就會有 gar la :D

去到果然有個檔口專賣榴槤, 有D24 同貓山王, 咁我就緊係買貓山王la...

















偷偷地 (shuu.......) 帶回酒店, 一打開都已經成間房都係榴槤, 肉質比平時在香港買果D ''林''身, 軟綿綿的質感, 一口咬落去時....嘩!!!!好甜D肉好軟身, 好似雪糕咁的質地!!!! 果種香甜難以形容 (感覺我只可以說好似你食咗一件聞落去好臭的臭豆腐但食落去超香口超好味, 好矛盾?! YES! 人生就是充滿矛盾, 連食物本身都千變萬化, 層次豐富...)...總知在香港未食過咁正的貓山王 la, 同埋就算好味的一定好好好好貴...

所以我都本住爆瘡發燒的風險食哂!!!

最後我冒險最後一天早上上機前, 再去....



我check 咗出境不可帶 ''Mango species'' 的水果, Durian 唔算掛?! 不過我都係pack 入 行李寄艙la...


回到家, 立即打開食先 (因為我都驚太耐行程會變壞)...嘩, 出水la.....快D食, 好在, 除開始有D D 開始過熟, 味道依然美味 :D




其實現在一般榴槤貓山王在馬來西亞都已經無話幾時當季, 因為科技進步, 一年365 日都有, 但最當季當然在6月7月的時候la, 而價錢都係最平.

好似我6 月時去最靚最完整的在Aeon 要買75 馬幣 (約港幣190) (其實一般大型超市買25到75 馬幣一個貓山王, 當然你去非遊客區就更平la....) , 但2個星期後的7 月, 老細同我講 已經75 馬幣買一送一, 因為貓山王實在太多太多la....所以最近真係密密食.....Harhhhhh...好鬼熱氣...

真係要買支野降下火先....




歡迎邀約試用&出席活動: neicla328@gmail.com
大白鼠之實驗室Blog: http://www.bigratlab.blogspot.hk/
Itrial Blog's Page: http://itrial.hk/user/alcien
Try it Blog's Page: http://www.tryit.hk/user/IreneLeung
ESD Life Blog’s Page: http://wow.esdlife.com/littlemouse
Facebook Fan’s Page: http://www.facebook.com/ireneleungalcien

沒有留言:

發佈留言