大白鼠由未出世仲係阿媽個肚的時候已經住荃灣, 所以荃灣有什麼正野食當然難唔到我啦~ 而今次去食的常滿雞煲專門店, 為於荃灣二陂坊, 還記得小時候那兒超多大排檔呢!
是日為平日晚, 所以都唔需要等位, 坐低就先飲jar 店主自家煲的木敦茶清一清D
熱氣先
先來個小食, 泡椒鳳爪 HKD58, 佢用醃製過的辣椒再浸泡白肉鳳爪, 好開胃之餘不過如果唔咪咁食得辣的朋友仔就要小食多滋味!
來食雞煲火鍋專門店, 梗係要食佢個常滿雞煲 (HKD228) 啦, 雞煲的醬汁食落去時我以為好似食日式燒食汁, 但之後又有淡淡的藥材香味, 果然係主廚秘製 正; 而因為我地有朋友仔唔咪咁食得辣, 所以只食小辣雞煲, 但大家如果識食的話一定要食麻辣啊!
至於雞肉好滑好有雞味, 經細問後原本店家用的是新鮮清遠走地雞, 怪不得咁有雞味啦, 必食~
另外我地還叫了惹味咸菜胡椒豬肚湯 (HKD68) , 好足料,
胡椒味好重, 所以我一飲第一啖後D胡椒超攻鼻!!
這個我食火煱必食的響鈴卷(HKD38), 及這間店獨有的心太軟 (3串HKD58), 哈哈, 大家唔會以為我咁快食甜品,
其實這個心太軟是豆製品, 外面為響鈴脆脆的質感, 但裏面是軟軟綿綿 (質感有一點像麵根但又像爽滑彈牙的魚蛋咁), 好有豆香呢, 推介~
梅酒千層肉 HKD78, 有陣陣的梅酒酒香, 開頭食時會覺得比較梅味多一點, 但原來這千層肉有個特別功效---就是當你食個麻辣雞煲辣到開始無知覺的時候食返啖 梅酒千層肉就可以幫你解辣呢~~
食到咁上下雞煲, 都可以再放湯打邊爐 (不過驚喜的是平時食雞煲一放湯的時候就見到成層厚厚的油浮上湯面, 今次食這雞煲沒有這情況, 油相對少, 感覺上比較健康
:P…所以我唔客氣放了許多打邊爐料啦~
當然必食手打四寶丸, 有墨魚丸, 鮮蝦丸, 梅菜豬肉丸同黑椒牛丸,
粒粒都爽口彈牙, 質感一流, 讚! 另外, 這個手切肥牛（超級）(HKD248)沒有太多的脂肪, 但食落卻完全不會覺得韌, 而且食得出這個牛的部位嫩但好有肌肉質感, 牛味非常, 原來佢地用牛的後腿內側 (?希望我無形容錯 :P) 不見天的部位, 所以嫩得來肌肉有活動, 自然食落口的肉質都好爽啦~
最後食到咁上下, 就食返手打蟹子墨魚麵 (HKD58), 好滿足啊~
其實還有好多野食不能盡錄,
所以食到抱住肚了回家,
好滿足~~~
~HKD 1500, total 6 人
常滿雞煲火鍋專門店
店舖地址: 荃灣二陂坊25號地下
電話: 2568 2229
沒有留言:
發佈留言