在香港吃泰國價錢, 泰國味道- 金蘭花泰國菜館

在香港地覓食容易, 好食的也有很多, 不過好食又大碟又便宜的, 我相信就好難找到了. 不過今次同友人們在九龍城覓食, 見到這間金蘭花泰國菜館平日晚上都是坐無虛席的, 再睇個價錢又好似幾ok, 那就一行四人 (其中兩位為大食男) 試下.

先來個鮮蝦冬蔭功湯 (HKD109 中Size) , 不算太辣, 適合香港人受辣程度 (因為叫店員要香港人的辣度就好:P) , 所以相對酸度出多點, 但整個湯用料十足, 鮮蝦大大隻, 加上海量菇, 及其他香料, 正~

友人話想食生蝦, 就點個生蝦刺身(HKD92) , 蝦頭炸至卜卜脆, 而身就保留為刺身, 所以一味兩吃, 香脆鮮味同時擁有

糯米雞翼 (HKD58) , 其實我會覺得是雞脾啦~ 因為這兩隻雞翼真的好大隻, 同雞脾Size 差不多, 外面煎至黃金色, 裡面就釀入煙韌的糯米及其他配料, 滿足感非常.

拼盤 (春卷四條, 香葉雞2件, 蝦餅2件, 沙爹4串) (HKD120) , 煎炸熱氣野不需講都知好好味, 不過又好熱氣…

這個巨形的就是大圓法包椰皇咖哩雞 (連椰皇水一杯) (HKD113) 大件大件的雞件, 加上薯仔, 及香料, 配上這個滿溢的黃咖哩, 再加上手撕法包一齊吃, 黃咖哩帶點椰香, 香辣野味兼飽肚十足.

黃金大頭蝦(HKD115) 炸至金脆的大頭蝦, 加上鮮鹹味十足的鹹蛋黃, 每一啖都甘香可口, 外鬆脆, 內蝦肉彈牙.

碟碟都咁大碟, 但重頭戲在這裏 – 脆皮豬手送泰象啤酒兩支, 都係HKD158, 而且份量十足, 剩係肉都有成碗湯碗份量!! 而外皮香脆 (像平時食燒豬皮) , 而肉都非常滑溜, 肉汁豐富, 而且醃製過的肉帶鹹香, 一邊飲啤酒一邊吃, 一邊同友人吹水, 是人生一大樂事也.

我們還叫了好幾碟菜同肉, 不能盡錄, 但四人 (其實當六人份啦~) 結賬也未過一千, 怪不得咁多人來吃啦~

九龍城龍崗道10-12號