貓迷必來- Coffee on the Sand

隻貓一見我們入來就立即跳上枱上躺著, 好似同我地講 : ‘呢度係我的地盤, 你地想食咩我叫主人幫你地煮~ 

哈哈, 以上只是我幻想出來的說話, 其實這裏只是其中一隻貓, 還有好幾隻周圍行, 如果你喜歡貓的話就可以來這裏啊~

好, 說回正題, 其實事緣我們在飲過Coffee On the Sand 於油麻地的流動車仔, 用土耳其式用熱沙煮咖啡, 同老細 (老細也是土耳其人) 說在這裹旺角有上樓Café 賣埋野食, 所以就去試下啦~

相公就不太喝咖啡, 所以叫了杯靈芝朱古力(HKD25) , 有點點的靈芝藥材甘甜的味道, 不過朱古加味就不算太濃

之後我們叫了主廚設計餐 (HKD250) 這個梅爾辛紅飯釀烤雞, 用超過十種不同香料烤焗雞, 皮烤得香而帶脆, 而香料醃製過的雞有點辛辣之餘又有陣陣甘香, 雞肉鮮嫩, 配上也是用香料炒飯, 雞油浸入飯處, 野味可口.

這個阿拉斯加狹鱈魚就層次感豐富, 有香芒在面, 炸過的鱈魚夾於層層不同蔬菜醬汁中, 一口咬哂, 鮮甜爽口又脆口的阿拉斯加狹鱈魚就是這個形成啦~

而這個茄子薯仔配自製乳酪就將烤焗過的茄子薯仔後再淋上微酸而口感厚稠的乳酪, 為香脆得來也帶清新感覺的沙律啦~

一邊食, 貓咪見到我們都常常想再跳上來吃, 你唔食得嫁貓貓, 你都係乖乖到睇我們食完先同你地玩啦~

旺角通菜街9-15號1樓A室