置身新加坡美食Hawker Centre - 宮保

懷念起去年與一大班由細玩到大的朋友去新加坡吃喝玩樂, 吃盡當地的美食, 現在封了半年關都不知道何時才可以再飛一轉新加坡, 不過唔緊要, 香港都有好吃道地 (而且就算星加坡都未必週街有得食!) 的新加坡美食~

今日就同班朋友來到位於銅鑼灣登龍街的宮保, 因為朋友話要懷緬把新加坡美食的說, 我來到時以為是新店, 朋友就話其實已經開了年多兩年!!! 可能每次來到登龍街都是吃拉麵的說, 沒有太留意~

不過朋友介紹得話好吃當然嚟試下啦, 首先來杯 話梅檸檬梳打 $30, 原粒話梅啖啖肉, 微酸清爽, 飲完非常開胃~

蜜餞桂花蘇東油條$58, 桂花的清香配上蜜糖的清甜, 原來配上這個酥炸蝦膠墨魚膠出奇的野味, 加上外脆內裏彈彈彈牙的蝦膠墨魚膠, 認真滋味~~

大家唔好以為這個賣相好似好寒酸, 其實這個蝦米肉碎自家製豆腐 $58索花的功夫一點也不 '寒酸', 自家製自磨豆腐非常幼滑,滑到一放入口即刻滑到胃部似的, 另外一個秘製的醬汁 (我本身以為好像吃新加坡早餐蛋撈豉油嘅豉油一樣), 甜甜地, 再配上帶鹹香的蝦米肉碎,正~

而這個麥片蝦 (4 隻) $256, 我們這些年輕的一輩已經好少會遇到餐廳酒樓做這個菜式了, 因為這是六七十年代傳統菜式, 亦都好少可我連殼都吃得乾乾淨淨, 除了大大隻啖啖肉新鮮的蝦肉外, 蝦殼上鋪滿了像是蜜糖 (定焦糖呢?)的麥片在炸這個麥片蝦, 有點像吃energy bar (但脆炸過的), 口感, 外面麥皮帶點煙韌的感覺, 口感層次非常豐富~

另外他現在做的推廣優惠, 其實這個商品說明條例有冇錯呢? 他說的是二人份活龍蝦巨大叻沙  ($468), 但我點睇都似4-6 人份量吧?!? 成隻波士頓龍蝦, 加上大量的海鮮青口魷魚圈, 其他喇沙的材料, 我一個人差唔多要攬住個碗的size 的啊~

而真的一讚這個喇沙湯底, 一啖入口, 猶如置身新加坡Newton Hawker Centre 食正宗喇沙一樣, 再配上這個秘製的辣醬, 立即將這個龍蝦海鮮喇沙湯底味道提升另外一個層次! 令我不自覺吃完一碗又一碗~ (那怪不得只是二人份量, 因為好吃到大家會不自覺吃多了呢~)

朋友更推介這個砂煲宮保-新鮮田雞6隻(大煲) $268 跟秘製砂煲粥(大煲) $48 一起吃, 先說這個沙煲粥, 原來是新加坡傳統的沙煲粥, 新加坡當地都好少有得吃, 而這個粥非常綿滑得來非常足料, 食到啖啖綿綿的米而不會覺得個粥稀. 再加上田雞非常鮮美肉質嫩滑而且啖啖肉, 再將件雞煲嘅汁撈落碗粥到, 滋味十足~

 最後來個甜品班蘭雪芳蛋糕(3件) $38, 好香班蘭味而不會太甜, 好滿足啊~

宮保

香港銅鑼灣登龍街36-48號登輝大廈地下E-F號舖

Tel : 35654883

https://s.openrice.com/QrbS0Bdq800~uQA3KAQ

宮保IG : kungpaohk 

  

免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,如需協助或希望獲得更多有關產品資訊, 請直接聯絡該品牌查詢

歡迎邀約試用&出席活動: bigratlabireneleung@yahoo.com.hk

Facebook Fan’s Page: http://www.facebook.com/ireneleungalcien

Instagram: http://instagram.com/bigratlab

Youtube: http://www.youtube.com/user/bigratlab