重回舊地抵食之選 - 八幡屋涮涮鍋

 

如果講任食同自助餐打邊爐, 係香港真係選擇繁多, 所以要喺咁多間主打 ‘任食’的食店來說, 到真係要要一多點心思, 才能脫穎而出.

今次重回舊地 (為什麼這樣說呢, 因為以前真係成日嚟食 😛, 但食得多都會想試下其他所以之後就少去這裏了) , 就係因為喺facebook 度見到個 午市 C3 澳洲M5 和牛刺身海鮮火鍋和牛套餐 (買一送一之餘, 可以食足三小時!!) , 見佢幾抵又試下先~

可能太耐冇嚟, 啲裝修都已經唔同曬 (睇返facebook原來剛剛10月單重新裝修), 唔怪之得特別寬敞舒適, 啲嘢都好新淨啦~ 唔好再講返我哋今次order 嘅C3 澳洲M5 和牛刺身海鮮火鍋和牛套餐, 當然主打嘅就係佢嘅澳洲M5 和牛啦~ 不過除咗澳洲M5 和牛外, 仲有牛肩胛, 美國進口牛肉, 黑豚肉同埋豚腩片可以任食 🙂

所以我哋一入嚟就梗係要食下澳洲M5 和牛及其他肉類墊下位先啦, 肉質都非常鮮美, 尤其是和牛, 肉質鮮嫩, 脂肪比例剛剛好, 入口充滿著嫩滑的牛肉質感, 正!

另外我哋又用QR code 去點其他海鮮刺身, 我哋出去望下一圈見到佢哋啲海鮮都好新鮮, 好似青口同蜆, 梗係食完一轉再食一轉啦~ 而且佢呢度啲服務都好好, 點完菜後, 好快就會送上食材, 唔會話要等好耐先有得食, 真係可以non-stop 食足三粒鐘㗎!

食到咁上下, 我就出去自助 Bar 去醫下我個甜品胃, 見到有啫哩,雪糕, 布甸等, 我就攞返寄幾杯慢慢食先!

除咗甜品之外, 自助 Bar 都有好多唔同火鍋食材配料選擇, 丸物, 菜(特別有羽衣甘藍), 麵, 及其他小食, 可以食飽大胃王呢~

                                   

八幡屋涮涮鍋                                                                                               

網址: https://s.openrice.com/QrbS0ipK700~uWsnXAw                                                                                               

地址: 旺角彌敦道628號瓊華中心12樓

 

免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,如需協助或希望獲得更多有關產品資訊, 請直接聯絡該品牌查詢

歡迎邀約試用&出席活動: bigratlabireneleung@yahoo.com.hk

Facebook Fan’s Page: http://www.facebook.com/ireneleungalcien

Instagram: http://instagram.com/bigratlab

Youtube: http://www.youtube.com/user/bigratlab