世上只有懶女人, 沒有醜女人 – 大白鼠一向好buy
這句, 其實只要努力, 發掘自已的優點,
每個女仔都一定有自已美麗的地方, 所以化妝就是其中一個方法令自已更靚,
所以大白鼠都好享受變靚自已的過程呢.
今次試用的是韓國10 大最受歡迎的化妝品牌, Y.E.T (Yes! Enjoy
Time!), 的魔法水凝輕盈CC 粉底 (牛奶膚色)
及派對女王防水眼線筆, 見其包裝走型格可愛路線, 不知道質素如何呢?
先睇下的魔法水凝輕盈CC 粉底, 這CC
Cashion 有SPF50/ PA+++, 好高的防曬度啊..
大家先睇下我個素顏Look 先
用附設的粉撲一按cashion, CC 粉底從cushion 度出來, 等粉撲可以沾上CC 粉底.
再用粉撲將CC粉底輕輕按壓於臉上
大家又睇唔睇到我只上粉底於那一邊臉呢? 初時我還擔心粉底會好厚好焗身, 但發覺這粉底如其名稱一樣都好水凝輕盈,
一D 都唔笠, 清爽得來唔乾
(夏天好適合用呢), 而顏色不會太過白, 唔會好兩折色咁.
同大白鼠之後出街街大半天都見到粉底只有少少浮粉 (在大熱天時唔融算偷笑了 :P) 所以裝容keep
得不錯啊~
上完粉, 再試下派對女王防水眼線筆.
畫眼線時筆的質地還算柔軟, 也容易上色, 不過不知道他可不可以抵抗我這個極出油的油眼皮呢?
(是先聲明, 本人就算連公認防水防油的眼線筆睫毛液我都可以好快D
顏色脫落到好似成個熊貓咁…)
上色後 (這支是深啡色) 隻眼立刻 ‘叮’一聲呢…
過了半天, 只有一些脫落, 也幸好這支是啡色所以脫落時都不會太熊貓呢..
總結, 大白鼠覺得Y.E.T 的魔法水凝輕盈CC 粉底比較嘉愛, 輕薄保濕造出素顏裝, 夏天化妝必備! 而防水眼線筆大眼效果不錯,
不過可能只防水, 所以我這個油眼人就防不了, 不過上色度尚佳, 可以一試!
銷售地點: 萬寧 (銅鑼灣總統戲院店)
魔法水凝輕盈CC 粉底: HKD199
派對女王防水眼線筆: HKD 69
免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,如需協助或希望獲得更多有關產品資訊, 請直接聯絡該品牌查詢
Youtube:
http://www.youtube.com/user/bigratlab
沒有留言:
發佈留言