京都拉麵之黃道 – 麵道

今晚臨時要回家俾野我媽, 因為媽剛做完小手術的關係, 我就在附近食D 野先上屋企.

行過商場見到這間新開食拉麵, 而且以平日晚來說都要排隊, 那還有點時間就排下隊試下啦~

這裏有前菜酸菜帶辣的, 幾開胃. 而另外在荃灣都好少見到日式拉麵店是有芝麻客人可以自己 ‘中’ 完再落拉麵, 而芝麻都好香呢~

叫了這個靜岡綠茶可樂 (HKD28) , 大鄉里的我還是第一次見到這個日本靜岡版可口可樂, 有點似7-Up 但又清許多, 不算太甜, 不錯.

我就叫了個义燒溏心蛋伊勢海老豚骨湯拉麵(HKD88) , 選了適中的麵質, 而這個义燒還是煎過的, 所以見到雖為半肥瘦的义燒但一點也不覺膩之餘也有脆口感; 而海老 (即龍蝦及其他蝦) 的湯底有陣陣龍蝦的鮮香味之餘但不會覺得太鹹; 而這個拉麵本身掛湯的力道十足, 令夾起拉麵時更見到湯依然附在麵身上, 啖啖麵之餘都食到啖啖的海老湯. 不過這個就要點時間麵才真正可以索了龍蝦湯底的精髓, 所以開始時我覺得淡口一點, 但麵愈食就愈濃愈有味道.

天婦羅無骨雞翼 (HKD18) , 雞翼起骨後才炸, 外面的炸粉不太厚而熱辣香脆, 而雞肉依然保持濕潤不乾身, 正~

好, 快吃完就回家啦~

荃灣眾安街68號千色匯I期2樓2031號舖