2017年2月24日星期五

滋補養生火鍋 – 尚鮮火鍋海鮮料理

今日是情人節, 我同相公因為唔想同人地迫 (而且情人節食西餐一定被人搶錢😝) 所以我們今晚就反其道而行, 來吃火鍋啦~






等相公放工後已經是9點了, 所以上到來也不算多人, 不過等Lift 就等了成15 分鐘, 因為好多人去其他樓層吃情人節西餐啦~







點了個現在香港好少吃到的烏雞- 鮮人參黑白蒜螺片燉烏雞湯 (HKD198) , 聽到其湯名用料都知一定好滋補養顏, 一上桌已經聞到陣陣的人參烏雞香味, 啖湯極度清甜, 用料十足, 我倒一碗湯來飲, 等了一會個湯面已經開始起膠, 骨膠原非常豐富, 我們最後都各飲了三四碗湯先開始打邊爐~



自家製青檸梳打蜜 (HKD58/1000ml) 點點酸味, 非常開胃, 同時加了蜜糖滋潤清甜, 不錯.




日本帆立貝 (HKD148/ 8 ) 新鮮清甜, 不過如果大件厚身多點就更有口感.




聖子皇兩條(HKD96 時價) , 爽口彈牙, 大大條有口感






尚鮮Prime 頂級牛頸脊 (HKD238 ) 脂肪比例平均, 有牛味哨口感




尚鮮雪花牛柳粒 (HKD118), 牛味出眾, 非肖Juicy, 口感甚至好過牛頸脊的呢~





四色丸尚盛 (HKD88 / 8 ) , 四丸分別為金沙牛丸, 黑松露豬肉丸甜薯墨魚丸及芥苿籽鮮蝦丸, 各有特色, 彈牙爽口, 而且味道配搭出奇地Match, 尤其是甜薯墨魚丸, 原來清甜的紫薯搭配墨魚丸更顯其鮮味啦~

平凡的情人節, 但食材味道不平凡啊~ (不過有喜愛的在身邊已經好滿足啦~)


銅鑼灣耀華街3號百樂中心8