紅菜頭之Homemade 意大利粉之夜- Trattoria Doppio Zero

相公在上環附近上班, 剛好那天我也在附近做完野, 打俾相公食飯, 他就說不如去這個HomeMade 意利好出名的Trattoria.

原來相公剛和同事們Happy Hour 完, 我都叫杯凍檸茶先

先來個沙律, Baby beetroot salad, 話明這是紅菜頭之夜, 就order 這個健康紅菜頭沙律, 而紅色的的醋醃製過, 黃色的就海鹽製, 加上原隻新鮮Baby Beetroot, 配上意大利陳醋及自家製乳酪, 又fresh 又有不同層次的味道.

這個Tramezzino 是我其中的最愛, 有黑松露及煙勳豬面肉夾在香脆的多士中間, 再加入mozzarella cheese, 令豬肉香味更為特出, 香脆軟濃兼備, 正~

Contemporary Style Onion Soup, 有點分子料理的做法, 這個泡沫是以Mozzarella芝士打成泡沫, 去了膩感同時但有芝士的香蘇味; 而芝士泡也令洋蔥湯的味道更為突出之餘都更香滑; 加上小雲吞, 口感味感也新奇.

Tomato capellini – 這個意大利粉是自家製的, 用專屬麵粉配上有機新鮮蕃茄製成的新鮮麵條, 成個意有利粉本身就已經有淡淡鮮香蕃茄味, 加上自家新鮮番茄醬, 酸得來又好野味, 而意大利粉的口感煙韌有質感, 果然是自家製啊~

Chitarra , 這個意粉也是自家製, 口感及外形都似我們食開的日式烏冬, 但就比其更彈牙; 加上新鮮紐西蘭大蜆, 只見落了不多的調味, 本身的海鮮味十足的紐西蘭大蜆已經令意粉味道提升了不少.

這個是店的其中一個Signature Dish, Grilled USDA Prime Ribeye (10oz), 牛味香濃之餘, 肉汁超多, 配上原條牛骨骨髓, 其濃烈的牛脂味道令Ribeye 的牛味推向最高峰呢~

這個tiramisu以傳統做法, 質感幼滑, 但又有D 爆炸糖加入, 令口感更特別之餘也創新玩味.

這個Sweet corn & vanilla Pudding 真的是我食過最好吃的粟米布甸, 非常香甜之餘, 粟米粒粒有口感, 加上焦糖脆脆及自家製雪糕, 我想食多個可以嗎?

哈哈, 下次等相公放工時可以來這裏食住野飲下野等相公先.

上環文咸東街22號地下(地庫店)