*: 大白鼠開餐之估唔到散叫食晚飯咁有水準之Club One 沙田River View 萬濤

一到年尾的時候, 又係收紅炸彈的時候, 而有好多人 (相信包括你地), 都有去過Club One 會所一號旗下的會所場地飲宴, 但我都好相信十個人有十一個 (!!!) 都覺得D野食好一般 (甚至話好難食, D 餸又凍又無料, 翅唔似翅, 蟹鉗個皮係咬唔落, 成塊擦子膠咁…….!!!!)

話說Bodyguard 係沙田之友, 有時候大白鼠都會同Bodyguard 去沙田行街街, 所以有時行完街都會在附近食晚飯, 有一晚我地就去咗沙田第一城附近 (濱景花園對面) 的Club One 萬濤食飯la, 都係抱住試下的心態…但竟然有驚喜 :D….(大家放心, 真係正面的驚喜, 唔係驚嚇個驚 :P)

Club One萬濤位於石門, 馬鐵站步行約5-10分鐘, 又或者可以搭巴士, 因為出面就係巴士站, 有多架巴士出去九龍or 新界其他地方, 交通都算方便.

巴士站一落車就會見到正門gar la, 同其實佢旁邊就係Courtyard by Marriott萬怡酒店入口, 所以唔好去咗旁邊個酒店入口ar…

大白鼠當日打電話check 咗佢地當晚無婚宴可以book 枱散叫食飯所以我同BodyGuard在附近行完街就去食la…..

當晚不是擺酒所以佢封咗變一般街客生意, 所以我地就又佢的後門入去

後門其實係萬怡酒店商場的後門入口, 但佢的指示板都算清楚

後門入口見到佢有個牌寫住Club One萬濤, 上一層跟住指示好快就見到gar la…

一入門口, 就見到個白色鋼琴同其他擺設, 整個場都係以白色為主調, 都頗酒店的格局, 大白鼠超愛白色 lei….

去到約晚上7時 (星期日), 見到當時唔算好多人 (不過晏少少就多咗人都滿咗7-8 成枱客), 咁我地最後就叫咗四個餸2個飯

首先來個墨魚嘴, 當我地expect 都係得幾舊墨魚嘴’’仔’’食下, 點知係好大碟好多墨魚嘴, (我粗略估計有5, 60 隻墨魚嘴; 而且超香口, 送啤酒一流!!

之後上咗個啫啫唐生菜, 又係超大煲, D 生菜索哂D汁, 好野味, 雖然如果再乾身D就好D, 不過可能D生菜出水所以都中上質素

紅燒野菌豆腐, 大大碟, 豆腐外脆內軟, 雖然某人覺得野菌少了點, 但味道清清D, 可以中和一下頭先相對野味香口的餸菜.

最後係金菇肥牛卷, 肥牛大大件, 唔靭之餘超有口感, 雖然佢既金菇份量少了點, 但肥牛除咗包金菇外, 都包入西芹絲蘿白絲; 而且肥牛配以矮瓜, 矮瓜好入味, 正!

我地兩個人最後賣單HKD530 (正價), 當然你可以join 佢的會藉, 平日一至五有7折, 六日公眾假期有8折, 所以我地都係食咗HKD420 倒, 以我地兩個人 (正確來說, BodyGuard 一人食量等如2.5人食量時) 3.5 人食量平均每人都係 HKD120, 價錢ok (不過如果正價來說又會貴一點….), 但味道同份量俾我同BodyGuard 想像中好, 有驚喜!!!