假文青, 真食遊 – 澳門 (食) 遊記

香港人成日來澳門玩, 來往港澳船的班次密過巴士, 所以有時候都會同班朋友來澳門玩一日半日, 今次就同我的相公扮文青 (後來我發覺這個是我一相情願….) 來澳門體驗一下澳門氣色啦~ (氣色其實以相公的角度是食物的氣色, 唔咪藝術歷史氣色><)

搭十點半船, 還真是第一次坐頭等的金光飛航 (頭等還真是像撘飛機一樣有餐飲有食物), 謝謝今次的比賽 [博客澳斯卡] 主辦單位送我倆船票~

在氹仔落船其實已經有好多免費接駁巴士去不同的酒店賭場, 不過我地今日去的第一個地方是民居地方, 所以我地就搭的士去, 約澳幣40元

其實本身聽友人意見說那裏有間甜品店好好吃所以去, 點知去到未夠鐘開門, 但經過一間舊茶記似的店裡面好多人, 所以就來轉一轉目標, 入去這間叠記咖喱美食

叠記咖喱美食

氹仔舊城區廣東大馬路130號南新花園第6座J鋪

問事頭, 佢地出名吃咖喱牛腩, 同見在場好多人都唔咪叫咖喱水餃牛腩就係雲吞牛腩麵, 因為我們要留肚的關係, 我地就叫了個薯仔菜及牛腩牛筋魚片 (事頭怕我地唔食得辣所以就淨牛腩牛筋再加咖喱汁俾我地)

薯仔菜 ($25) 薯仔比較爽脆, 而配上咖哩實是相配.

牛腩牛筋魚片 ($45), 嘩, 牛腩好腍身好入味, 而煮了好幾小時的咖喱牛腩汁淋上這個牛腩牛筋魚片已經非常野味, 咖喱已經同牛腩精華混合在一起, 事頭說如果我地叫咖喱牛腩的話更正, 因為牛腩是用咖喱汁淆足幾小時, 咖喱浸入牛骨髓的說, 不過我是怕太辣的所以沒試了.

這叠記咖喱美食是驚喜十足的呢~

食完叠記, 去返對面我地今日目標之一, 卡夫卡, 吃甜品, 我的正餐是也.

卡夫卡

馬場氹仔布拉格街152號(廣東大馬路悅景峰左側）

裝修簡約, 甜品都有頗多的選擇, 有選擇困難症><

我地叫了三個甜品, D 甜品好靚啊~

有布丁 (25), 布丁好有蛋味, 加上質地好幼滑Q彈; 而芒果霧絲 ($42) 好Fresh ; 而憂鬱星期天 ($38), 其實就是朱古力霧絲, 裏面有榛子, 但不是太甜, 帶有榛子香, 不錯.

咖朵奶茶 ($40), 這固以伯爵茶為基底, 加上蜂蜜及綿密的奶泡, 好rich, 好有幸福感

問完店員, 其實由卡夫卡去到氹仔大街也只不過15分鐘的腳程, 所以有google map 大神就好快去到氹仔大街

好多人的氹仔大街~

本身想做文青的我影下相, 但某人的無底洞般的胃對食的興趣大點, 所以拉我去吃每次都要來吃的興記咖啡室

興記咖啡室

氹仔舊城區柯打蘇沙街18號地舖

食過豬扒意粉 ($26) , 這個茄汁豬扒意粉茄汁味超濃, 豬扒超大塊

食完的例牌動仍買手信是也..

氹仔有免費車去不同的酒店, 我地就去這個Studio City 參觀一下~

之後我地去做文青, 向瘋堂斜巷, 瘋堂區出發…不過向目標出發時某人見到禮記雪糕冰室, 就拉了我入去吃, 因為是現在少有的自家製舊式雪糕

禮記雪糕冰室

荷蘭園荷蘭園大馬路12號地下

好懷舊啊~, 我地叫了個雪糕三文治 ($17) ,有蜜瓜 (青綠色) , 雲呢拿 (奶黃色, 還真未見過奶黃色的雲呢拿味雪糕) 及白色的椰子味雪糕

另外我地還叫了個半磅椰子味雪糕 ($36) , 椰子味是這裏最出名的, 而口感有點像吃椰子冰或椰子雪花棉冰, 溶於口時又似飲椰子水, 非常清甜涼快, 炎熱天氣必吃~

而吃完雪糕旁就是來自韓國的Coffee Shop Tom N Toms Coffee

Tom N Toms Coffee

荷蘭園荷蘭園大馬路20-20B號麗晶閣地下A-D號舖

入到去當然有韓國的K pop 之餘都有韓國Tom N Toms Coffee 一樣賣緊的Coffee & snacks, 我地就叫了杯卡布奇諾 (中杯$33) 及 蒜蓉吐司 ($49), 一邊聽K Pop, 一邊食一邊嘆Coffee, 又可以消磨一陣

到了黃昏, 終於開始做我地要做的文青…., Tom N Toms Coffee 轉上就是瘋堂斜巷, 沿路都有好多好有舊植民時期的建築, 而且星期天還有許多藝術活動藝墟等等

而旁邊還有望德堂區瘋堂十号創意園, 裏面的連體樹都是相機友的好去處, 而裹面都有不同的藝術展覽

其實Google Map 大神指示其實這裹離炮台不遠, 所以我們就行去炮台, 觀賞一下澳門全景景色

再走落大家都很熟識的大三巴~

回到大三巴議事堂, 已經到晚上, 我旁邊那位食物焚化爐又叫肚餓, 見到義順鮮奶就叫返碗雙皮奶先

某人再說走去吃珠記的水餃雲吞

鳳城珠記麵食專家

新馬路營地大街127號地下

所以就叫了淨水餃雲吞, 用料好足, 鮮蝦味濃, 正~

還有點時間就去一去剛開的永利皇宮

一日就非常充實的去食, 至於文青嘛, 哈哈, 算是做了日為食文青吧~

感謝博客澳斯卡贊助船票.

免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,如需協助或希望獲得更多有關產品資訊, 請直接聯絡該品牌查詢

歡迎邀約試用&出席活動: bigratlabireneleung@yahoo.com.hk

Facebook Fan’s Page: http://www.facebook.com/ireneleungalcien

Instagram: http://instagram.com/alcien

Youtube: http://www.youtube.com/user/bigratlab