在銅鑼灣如果想食好少少, 個價錢都好幾百, 仲要未必好食, 不過今次再來西餐大排檔, 價錢再有更多選擇同時, 質素都Keep 到
因為叫了套餐, 所以加HKD38 就可以有一杯紅酒或白酒, 那我同相公都叫了一人一杯紅白酒的說.
另外套餐加HKD68 就可以有多個海鮮拼盤, 有生蠔, 鮑魚, 日本刺身帶子, , 鮮蝦及聖子刺身, 店員說鮑魚是用上南非鮑魚, 肉質厚彈之後都好鮮甜; 而生蠔就用上法國女皇蠔, 較Salty 好Fresh; 而日本刺身帶子就鮮甜爽滑, 加上秘製蜜糖汁, Yummy~
除了套餐外, 我們還叫了小食, 這個焗法國連殼食田螺 (HKD99) 就非常特別, 因為田螺拿出再釀入焗脆的麵包造型的
‘殼’, 特別有創意之餘都好考功夫呢~
套餐就跟蘑菇湯, 啖啖蘑菇碎外都加了黑松露醬, 香味味道無得輸.
相公就叫了這個美國牛肉眼餐 (HKD399), 慢煮牛肉成5 小時後再燒, 看上去好似紅當當未熟似的, 其實因為慢煮的關係所以肉汁完全鎖住, 到燒的時候肉質同肉汁都會保留住原有的狀態, 所以真的完全食到肉眼的鮮嫩牛味的呢~
而我就叫了這個套餐主食為白汁蟹肉焗海鮮 (HKD299) , 除了有蟹肉外, 都有鮑魚, 鮮蝦, 帶子及魚柳, 白汁配海鮮Creamy 得來味道適中, 不會太鹹之餘都帶出海鮮的鮮味, 而且每樣海鮮都新鮮大件, 用料十足.
最後來個檸檬水來消化一下, 以二百多三百幾元就可以吃到酒店級數的用料, 真是物超所值呢~
銅鑼灣渣甸街50號渣甸中心7樓
沒有留言:
發佈留言