2022年5月9日星期一

大件夾抵食豬手手撕雞套餐 - 炯記手撕雞

 



身為深水埗的一份子, 很多時候都喺福華街福榮街覓食, 就好少可去到汝州街那邊, 不過今次同相公行去鴨記買嘢, 就經過這間炯記手撕雞, 見到個餐牌好似幾吸引, 咁就入去試下先.




其實我相公被這個炯記二人套餐吸引住, 唔知今次餵唔餵得飽我這個嘴刁兼大食的相公呢...



先呢兩碗例湯, 雖然不太算是很老火湯啦, 但還是真材實料的..



果然不負所望, 每一碟分量都非常十足!




這個醬王豬手, 豬手非常入味, 骨膠原份量十足, 對於我這個細食人士嚟講, 食咗一嚿都已經飽肚一半了~



咁就食返啲醒胃小食啦, 酸辣雲耳放入口時候不覺得辣, 但當過後就感覺到辣漸漸滲出嚟, 由味蕾舌頭到整個口腔~要立刻飲返杯凍嘢先~



而這個麻辣雞腎, 相公就話一啲內臟的腥臭味也沒有, 而且這個麻辣非常過癮, 不算太辣, 但麻味十足, 對於我這個平時不吃內臟的我, 也可以接受到呢~



太子鵝油撈粗, 帶有陣陣的惹味嘅燒鵝香, 而幸好這個不太鹹 (因為空口食其他送的時候食食下都真係有啲鹹, 所以用這個撈粗作為主食, 口感也不會太油膩~




最後主角嚟啦, 這個手撕雞不負眾望, 雖然未至於好似新鮮雞咁, 但肉質都非常嫩滑, 加上佢嘅必製調味, 非常之香, 食落唔停得口~

 

下次食飯又有多個選擇啦 ~

 

炯記手撕雞 (汝州街)

深水埗汝州街257號地舖

 

 

免責聲明是次產品/產品資料由品牌提供本文章內容屬個人意見及感受,並不代表該品牌之言論及立場,如需協助或希望獲得更多有關產品資訊請直接聯絡該品牌查

歡迎邀約試用&出席活動bigratlabireneleung@yahoo.com.hk

Facebook Fan’s Page: http://www.facebook.com/ireneleungalcien

Instagram: http://instagram.com/bigratlab

Youtube: http://www.youtube.com/user/bigratlab

沒有留言:

發佈留言