來到這間位於旺角的鳴門, 店舖的裝修以日本的居酒屋為藍本.
店舖每日都會入新鮮直送的食材, 所以客人叫一樣就無一樣, 就好似大家見到有條長長幼幼的根類物體, 店員介紹這是沖繩蘿蔔 (!?!)咁當然要試下啦~
當然吃貨之前要來杯溫熱的富久娘(做緊半價HKD34) [這雖然是白雪的樽但裏面是富久娘啦~], 酒味不太濃烈, 當清一清口腔, 準備吃貨~
沖繩島人參 (HKD48), 就是剛才那根沖繩蘿蔔了, 因為這來自的沖繩蘿蔔樣子似人參長長幼幼的, 所以叫做沖繩島人參….
至於口感,
食第一口時带有香草的味道, 但食落去更清甜爽脆, 但一點也不像蘿蔔,
加沙律醬吃一流
火焰左口魚壽司 (2件HKD38), 外面燒得香口, 而咬落去時肉質嫩滑,
入口即溶, 好鮮甜香濃
火焰三文魚壽司 (2 件HKD35), 燒得剛剛好, 外脆內鮮, 肉質依然鮮嫩美味.
黑稠魚刺生 (特價HKD164)- 看師傅的刀功細膩, 薄薄一片, 肉質鮮嫩, 口感彈牙,
但淨食不加任何調味的話味道就略為清淡
但配上 酸汁時更特出黑稠魚清新鮮甜的味道, 反而用豉油就失去了其鮮味, 所以大家食的時候都要點酸汁啊~
另一個估佢唔到的食材, 沖城島腐乳 (HKD38), 以為中國的腐乳般, 但試少少入口, 啊 ??? 咁濃的酒精味, 以為自己飲清酒,
又好似飲德國甜酒的特有發酵味道, 但酒精味霎眼間轉為淡淡甜味, 好特別
這隻沖繩豬手 (HKD68), 這豬真的識食,
只吃粟米, 竹蔗及黑糖,
所以一切一入口, 鬆化之餘又帶有點靭勁, 好補成舊都似吃骨膠原, 好嫩, 加上秘製醬汁, 又滑又入味
自家製櫻蝦蟹肉玉子燒(HKD50), 好有層次, 玉子燒裹面有好豐富的蟹肉及樱花蝦,
簡直同玉子是絶配呢~
鹽燒三文魚頭 (HKD55) , 鹹味剛好, 魚油香口, 外面魚皮香脆而內面魚肉嫩滑, 最緊要的是我怕魚腥味的我也不覺腥
軟殼蟹手卷 (HKD38), 紫菜爽脆,
軟殼蟹炸得香脆之餘也沒有食出多餘炸粉槳,
真材實 ‘炸’ (我最怕吃了成口粉漿似炸物了..) 配料有青瓜絲, 蟹柳, 牛油果片, 層次豐富鮮甜
石鍋鮮茄湯安格斯牛肉烏冬(HKD88), 上桌的時候熱騰騰的呢,
最適合現在咁凍的天仔吃.
烏冬非常煙靭彈牙, 而蕃茄味不重, 安格斯牛肉也非常有口感.
菠蘿串燒(HKD38), 這甜品真的原汁原味, 面層燒得香口, 而內裏的菠蘿依然保持其多汁多水, 非常香甜, 一咬成口都係鮮甜的菠蘿汁,
這個也來自沖繩的菠蘿真的是名不虛傳呢~
鳴門魚市場居酒屋
旺角染布房街12-14A依利大廈地下B號舖
歡迎邀約試用&出席活動: bigratlabireneleung@yahoo.com.hk
Youtube:
http://www.youtube.com/user/bigratlab
沒有留言:
發佈留言