最近食蒸氣石鍋吃上癮,所以見到雜誌介紹有間蒸氣石鍋店,見到個海鮮鍋好似好正咁,我同相公就找個不用回對方老家吃飯的Weekend 來吃了.
佢有卡位, 也有大枱, 見我地得兩個人當然給卡位啦~
去開厠所, 睇到原來佢有個露台, 可以給客人出去吸一下煙的…
D 海鮮都好多下…
當然要Order 這個秘製意大利海鮮湯底(HKD358), 果然好足料, 有不同的鮮茄, 薯仔, 大量的蝦及星斑!!!! 因為在店員介紹下我地都叫了斤星斑做一陣的蒸氣石鍋的餸料, 所以廚房說不如連頭頭尾尾都加入個湯度會甜好多的說~
煲了一陣, 店員先叫我地飲這湯, 之後蒸完所有的蒸氣石鍋料後再飲, 味道會迴然不同..好先喝這個頭啖湯先, 因為有不同的蕃茄, 有意大利蕃茄, 又有細蕃茄仔, 又有茄乾煮成的湯, 鮮茄味十足, 而加上新蝦及魚的鮮味, 點綴這個意大利海鮮湯, 味道都頗鮮美( 不過我更期持食完蒸鍋再飲這個湯, 一定更鮮~)
話明是海鮮蒸氣石鍋店, 當然要點海鮮, 先來個象拔蚌仔(HKD196 / 2隻) , 象拔蚌仔雖說是仔, 但也大大隻, 只要蒸幾分鐘就已經食得, 非常鮮甜, 雖然都可以加豉油等來調味, 但如果海鮮新鮮的話又何需要其他調味呢~
首創烏雞豚肉丸 (HKD60/ 4 粒) , 豚肉丸就是吃得多, 烏雞豚肉丸還是第一次吃, 烏雞其實比普通雞更有感更彈牙, 所以食的時候用筷子夾時肉質都感到彈下彈下, 加上味道其肉味會更香, 所以這個小小的一粒烏雞豚肉丸這樣貴是有理由的呢~
這個蜆 (其實連意大利湯的) la, 也是鮮美, 也沒有食到有沙石的蜆, 不錯~
這個就是燕星仔啦 (時價), 成斤重的星班仔都有好多件啊~而且鮮美滑嫩, 一入口已經滑了入口腔, 而且肉件都非常厚肉, 非常足料呢~
加上這個四寶蔬 (KD88), 食返D 蔬菜先…
我同相公最期待的集精華於一身的意大利海鮮蕃茄湯再度登場, 首先, 蕃茄的酸味已經沒有了, 只留下甜味; 加上我倆從未試過這樣豪的用條星斑來煲湯, 個湯完完全全充滿了星班的皇道香濃味道, 加上煲了個幾小時所有的精華都融化在湯中, 所以飲湯時就好似食緊條星斑, 極度滿足~
今次星斑真的是皇道菜式呢~
金御膳正宗海鮮蒸氣石鍋
土瓜灣北帝街29-35號八景樓1樓A-D號舖
免責聲明: 是次產品/產品資料由品牌提供, 本文章內容屬個人意見及感受,並不代表該品牌之言論及立場,如需協助或希望獲得更多有關產品資訊, 請直接聯絡該品牌查詢
歡迎邀約試用&出席活動: bigratlabireneleung@yahoo.com.hk
Youtube: http://www.youtube.com/user/bigratlab
沒有留言:
發佈留言