2016年11月17日星期四

溫馨用心的心機失傳菜- Dreamix 廚

相公妹妹生日, 雖然大家平時都好忙, 但點都會一家人出來吃餐飯, 因為今次帶埋相公的婆婆一起吃, 所以今次都想找一些地方大點又有老人家啱食的餸菜, 當然也要有特色啦~





友人就提議我們book 這個位於觀塘工廈的私房菜, Dreamix




入到去有幾枱客, 但地方大之餘空間感十足, 大家可以舒服地享用餐點.




而角落還放了老板自製Handmade , Handmade 肥皂, 及一些小飾物等, 看出老板是手工精細細心之人.



而原來這裹可以做埋包場, 做西式都得 (如生日Party), 這裏就好有Open Kitchen Feel ~
我們之前Order 了他們的新菜單套餐百花宴 (秋冬) (HKD488/ 每位成人; 4-11 歲及65 歲以上人士都可有半價優惠, 所以婆婆就有半價啦~




先來個自家煲的飲品, 桑葉雪梨茶, 非常清甜, 冬天可以潤一潤





第一道菜, 醉香南非鮑魚, 每隻鮑魚都有一隻湯匙size 咁大, 為涼食, 爽口之餘也是肉厚煙韌, 食時而一定要倒點紹興酒及話梅肉來浸漬汁, 非常有酒香之餘也帶出鮑魚的鮮美.






杏汁豬肺湯, 遠處已經聞到陣陣杏汁的香味, 而湯也是奶白清甜, 膠原豐富 而豬肺也洗得乾淨而去掉那豬肺的腥臭味, 不過坦白說這湯如果可以再做得濃味一點更好, 但這個也是夠滋潤的呢, 冬天來喝成個人暖哂.





江南百花雞, 這個煮完全俘虜我們在坐每一個人的胃, 連妹妹婆婆都說要再來吃, 這個經典名菜, 也是心機功夫菜, 因為這 其實是蝦膠來的呢, 老板也專程介紹這個百花雞的造法, 將整個雞皮取出來後, 再將已經過兩日功序的蝦膠釀成雞皮內, 同時在控制火喉時間老板也說失敗了好幾次先研究成功如何做出這經典菜式, 雞皮浸出的雞油雞精華, 包裹住野味彈牙的蝦膠, 簡直一絕, 我相信香港地已經沒有店會弄這餸呢~太花心機功夫了~






紅燒元蹄, 也是心機菜式, 整隻元蹄燉得足4-5 小時, 理智上知道這個極度邪惡的菜式, 但一切, 一咬, 非常腍及鬆化, 但因為經過長時間大火的炆調所以迫出油脂, 所以肉質其實沒太油膩感, 加上膠原極豐, 啖啖膠原 (好過飲咩膠原飲品) , 加上醬汁香醇帶甜, 令肉香四溢, 所以都係食咗先算啦~





其實食到這裏已經8分飽, 飄香荷葉飯, 有蟲草花, 菇類, 雞片等等蒸出的飯, 淡淡雞香加上茹類, 加幾匙剛才紅燒元蹄醬汁, 紅燒元蹄的肉汁加上這個清香的荷葉飯, 雖然好脹但都要食返碗.




蟲草花上湯浸時菜, 有無咁大碟呀~!!! 像用一個大盤載的上湯浸時菜, 其實老板是否以為我們有十個人??? 但我得5個人呢~ 菜心鮮甜, 而其上湯也是熬製過, 非常鮮味, 最後我們當湯去飲了的說




百花蜜脆鱔, 非常脆口香甜的一個鱔, 用上百花蜜沾上鱔後輕炸, 外脆內肉質爽滑無腥味, 啖啖肉, 加上清香的百花蜜, 陣陣的幽香甜味浸出, 婆婆都不停吃呢~





最後的一道菜, 海皇豆腐, 豆腐清而有積感, 而新鮮蟹肉等製造而成的醬汁, 味遁濃稠度都相互配合




已經有十一成飽, Over , 所以飲返杯茶.




哈哈老板好好的免費弄了這個台灣棕櫚糖奶凍, 香滑奶味甚濃, 而且棕櫚糖非常健康, 連糖尿病人也可以食用的糖, 那老人家吃也可以放心啦

店員老板非常細心, 也看出對餸菜的執著同要求, 這些是香港餐廳少有的, 不過唯一要投訴是可唔可以唔好煮咁大份量啊? ! 好多都要打包回家啦~


觀塘觀塘道404號時運工業大廈11E

沒有留言:

發佈留言