*: Go Green Glamabox 6 月號

今個6 月號 Glamabox , 不知又會有什麼驚喜給我大白鼠呢?

先試下 Royal Skin 的熱體瘦身貼, 45度 V-Line 貼膜及完美提臀膜

保濕美白咩功能都試過的面膜絶大部份我都用過, 但給身體的瘦身Mask 還是第一次試呢

瘦身貼一包有2 塊, 我就先擦乾要貼膜的部位 (我就試腰部), 其他肥肥的部位如大腿臀部等都可以用, 之後撕開貼膜, 將貼膜貼在腰部, 過一陣就感到貼膜部位開始有點熱熱的感覺, 但熱度可接受 (因為見到說明包裝講温度約是36.5度, 唔會太熱呢

等了約3小時, 我就除下貼膜, 但我反而覺得除下貼膜後感到腰部更熱, 不過過了一會就散了, 而腰部的紅印好快也退呢, 但有冇感到瘦了的說? 哈哈, 我講有瘦你都未必信啦, 不過貼的時候溫熱的, 而貼膜的營養成份滲入皮膚, 等皮膚瘦身同時可以滋潤一下呢.

至於完美提臀膜, 因為我不能太3 級show 出我的臀部大家看, 所以我就影包裝的說明圖點用, 而功能上同瘦身貼膜差不多, 也是貼後會感到溫熱, 功效為緊緻及提升腎部 (所以貼的時候最好托高臀部同時拉緊提臀膜貼上去, 就有提臀效果啦~

45 ^oV-Line 貼膜, 當然想透過拉緊下巴位變V面啦, 不過大白鼠的頭太大, 所以貼上後扣住耳仔位置太緊 (反而弄紅弓耳仔), 所以過一陣我就除下了…

貼完瘦身貼有D 出汗, 我就會習慣噴少少香水等自已唔好有咁多汗味, 這個 PBA – 布拉吉香水1 號 Marry me 我願意, 有多種花果香調, 聞上去淡淡清悠花香, 不會太濃烈成熟, 像少女的味道呢~噴後好一陣子都keep 到, 好舒服呢~

The Yeon – 來自濟州的柑橘Hallabong 能量保濕護手霜, 用上有機的濟州柑橘, 其橘子皮有好高的維他命C 可以抗氧美白, 不過我喜愛他的原因是他塗上搽勻後感到保濕之餘唔會黏笠, 適合現在的天氣用呢, 另外他的香味為清新的橙味, 好醒神呢~

Olive Oil Skin Care Company的羊奶橄欖油手工皂, 用上純天然的初榨橄欖油加澳洲羊奶製成; 羊奶其實比牛奶營養更高呢, 滋潤度更高; 而我試用洗手時見到起泡度一般, 洗水過水時好似有一層膜包住隻手咁, 所以如果乾燥天氣或皮膚極乾燥人士就好適合了.

Faith in Face – 奇幻棉花糖 Egg White Whip Cleansing Foam 以蛋清作為主要成份, 所以加少許水輕揉起泡, D 泡泡就好似棉花咁軟綿綿, 放在臉上按摩好舒服, 而且過水後唔會覺得皮膚掹緊, 鼻位置毛孔都洗得乾淨呢~

COMODYNES 的護理纖維巾, 大家可以見到佢一面有一粒粒凸起的微粒, 這些微粒裏有護膚及仙人掌萃取物酵素成份, 可去除老化角質; 另外又有甘油金縷梅水成份有幫收緊肌膚, 舒緩鎮靜.

大家先看看我的下巴位好多暗粒, 而又俾大家睇我塊暗瘡面之除就睇下我個厚死皮腳跟 :P. 好, 之後我就用有粒粒個面去打圈揉搓, 不過記得要輕力, 因為D 粒粒面都幾似絲瓜絡的質地, ‘’鞋鞋地’’.

之後用滑果面抺乾淨, 大家見到腳跟滑了許多無咗好多皮; 不過可能我擦下巴太大力所以有些紅, 不過摸上去下巴D 暗粒都平滑了不少呢.

去完死皮暗粒, 當然要滋潤一下肌膚, The Yeon 的乳木果保濕精華面膜, 主要成份為乳木果所以除了有保濕的功效, 都會滋潤一點; 而面膜精華為乳白色, 質地也比較濃稠; 而面膜的剪裁尚算貼面, 不過大白鼠鼻太長cover 唔哂 ~

夏天到了, 除了同陽光玩遊戲外, 都要做足防曬啊~ ést.lab 防曬霜 SPF 50, 含有海洋DNA 的微型囊球, 會因皮膚受紫外線照射的程度來釋放出有效的防護成份, 咁高科技?? 等我試下質地先, 擠出來見到淡橙色的乳霜中有點點橙色的粒粒, 相信就是這些微型囊球. 而質地本以為會好厚身, 但塗上面的感覺不太感到焗身, 所以還不錯呢..